Төрийн-агентлагийн-зарим-дарга-нар-тэрбумын-хөрөнгөтэй-2

АТГ-аас нийтийн албан тушаалтнуудын 2020 оны хөрөнгө орлогын мэдүүлгийн хураангуйг олон нийтэд танилцуулаад байгаа билээ. Манай сонин Их хурлын гишүүд, сайд, дүүргүүдийн Засаг дарга нар, дэд сайдууд ямар хөрөнгө орлоготойг дэлгэрэнгүй хүргэсэн билээ. Тэгвэл өмнөх дугаартаа төрийн агентлагийн зарим дарга нар тэрбумын хөрөнгөтэйг онцолсон бол энэ удаад агентлагийн дарга нарын хөрөнгө, орлогыг үргэлжлүүлэн танилцуулж байна.


Б.Асралт ТЭРБУМЫН ОРОН СУУЦ, 180 САЯ ТӨГРӨГИЙН АДУУТАЙ

Гаалийн ерөнхий газрын дарга Б.Асралт

Гаалийн дарга 26.6 сая төгрөгийн орлоготой. Харин гэр бүлийн гишүүдийн нийт орлого  6.5 сая төгрөг гэж мэдүүлжээ.

Тэрбээр тэрбум төгрөгийн үнэлгээтэй хоёр орон сууц, нэг авто зогсоолтой.  Land Rover, Range Rover автомашинтай. Эдгээр нь 135 сая төгрөг хүрнэ. Түүнчлэн 188 сая төгрөгөөр үнэлсэн 55 адуутай.

Тэр дунд хурдан удмынх нь 15 гэжээ. Мөн 150 сая төгрөгийн үнэт эдлэл, 50.5 сая төгрөгийн хадгаламжтай юм байна.  Төгсмонгол Трейдэд 1000 ширхэг хувьцаа эзэмшдэг.


ТАТВАРЫН ДАРГА 160 САЯ ТӨГРӨГИЙН ХОЁР ЖИЙП ХӨЛӨГЛӨДӨГ

Татварын ерөнхий газрын дарга Б.Заяабал

Монгол Улсын татварын газрын даргын нийт орлого 46.4 сая төгрөг бол гэр бүлийн гишүүдийнх “О” гэж хөрөнгө орлогоо мэдүүлжээ. Харин тэрээр 395 сая төгрөгийн хоёр орон сууцтэй. Тээврийн хэрэгслийн хувьд 160 сая төгрөгөөр үнэлэгдэх  Land Rover, Land Rover V1 автомашинтай. Дөрвөн сая төгрөгийн үнэд хүрэх 40 хоньтой. 30 сая төгрөгийн хоёр газартай бол үнэт эдлэлгүй гэнэ. Гэхдээ 22.9 сая төгрөгийн хадгаламжтай бол 600 сая төгрөгийн авлага, 23 саяын зээлтэй юм байна. Ай Си Трэйд компанид 1000, Эрдэнэс Таван Толгой компанид 1072 ширхэг хувьцаа эзэмшдэг.


БҮРТГЭЛИЙН ГАЗРЫН ДАРГА МАШИНГҮЙ, 10 САЯЫН ГАЗАРТАЙ

Улсын бүртгэлийн ерөнхий газрын дарга Д.Дэлгэрсайхан

Бүртгэлийн ерөнхий газрын дарга  37.8 сая төгрөгийн орлоготой. Гэр бүлийн гишүүдийнх  7.2 сая төгрөг. 313.2 сая төгрөгөөр үнэлэгдэх хоёр орон сууц, нэг авто зогсоолтой. Харин тээврийн хэрэгсэл, мал, үнэт эдлэл байхгүй гэж АТГ-т мэдүүлсэн хөрөнгө орлогодоо бичжээ. Мөн 10 сая төгрөгийн хоёр газар,  267.7 сая төгрөгийн хадгаламжтай.  Эй Ти Инженеринг  компанид 10000 ширхэг , Эрдэнэс таван толгой компанид  3752ширхэг, Их дэлгүүрийн 149 ширхэг хувьцааг эзэмшдэг.


Ш.МЯГМАР “ТЭР ИХ ЖУУЛЧИН КОМПАНИ”-Д 64000 ХУВЬЦААТАЙ

Усны газрын дарга Ш.Мягмар

Монгол Улсын Засгийн газар Усны газрыг шинээр байгуулж, мэргэжлийн хүн хэмээн Ш.Мягмарыг даргаар нь томилсон. Тэгвэл 28.2 сая, гэр бүлийн гишүүд  10.3 сая төгрөгийн орлоготой. 222 сая төгрөгөөр үнэлэгдэх хэмжээний хоёр орон сууц, хоёр авто гаражтай. Тээврийн хэрэгслийн хувьд Toyota Crown,  Toyota, Prado автомашин хөлөглөдөг. Машинууд 59 сая сая хүрнэ. Мөн 74 сая төгрөгөөр үнэлэгдэх 0.7 га хэмжээтэй гурван газартай бол үнэт эдлэлгүй, 47.3 сая төгрөгийн хадгаламжтай гэж мэдүүлжээ. Тэрбээр Тэр их жуулчин компанийн  64000 ширхэг хувьцааг эзэмшдэг.


ЦАГ УУРЫН ДАРГА 29 САЯ ТӨГРӨГИЙН ХАДГАЛАМЖТАЙ  

Цаг уур, орчны шинжилгээний газрын дарга С.Энхтүвшин

С.Энхтүвшин дарга 130.4 сая төгрөгийн орлоготой. Харин гэр бүлийн гишүүд нь   8.4 сая төгрөг. Тэрбээр 210 сая төгрөгийн хоёр орон сууцтай бол  Toyota, Land Cruiser 200 автомашинтай юм байна. Машинаа 70 саяар үнэлжээ. Мөн 1.8 сая төгрөгийн үнэлгээтэй гурван адуутай.

Таван сая төгрөгийн 700м2 газар эзэмшдэг. Үнэт эдлэлгүй, 29 сая төгрөгийн хадгаламжтай.

Аль нэг компанид хувьцаа эзэмшдэггүй гэж ХОМ-тээ бичсэн байна.


Д.ЗАГДЖАВ 4.2 ТЭРБУМЫН ХОЁР ОРОН СУУЦ, ЗУРГААН МАШИНТАЙ

ШШГЕГ-ын дарга  Д.Загджав

Шүүхийн шийдвэрийн дарга Д.Загджавын жилийн орлого 34.2  сая, гэр бүлийн гишүүдийн нийт орлого  24 сая төгрөг.

Тэрээр 4.2 тэрбум төгрөгөөр үнэлэгдэх хоёр орон сууцтай. Тээврийн хэрэгслийн хувьд 460 сая төгрөгийн Lexus LX 460- 1, Lexus 570- 1, Infiniti FX35- 1, Lexus LX 450- 1, Lexus 470- 1, Hummer H2 автомашинтай. 130 сая төгрөгийн үнэт эдлэл, 406 сая төгрөгийн хадгаламжтай юм байна. Мөн тэрбээр  Эрдэнэс ТТ компанид  4288 ширхэг, Улсын их дэлгүүрийн  299 ширхэг хувьцаа эзэмшдэг.


ЭРҮҮЛ МЭНДИЙН ДААТГАЛЫН ДАРГА 30 САЯ ТӨГРӨГИЙН ГАЗАР ЭЗЭМШДЭГ

Эрүүл мэндийн даатгалын ерөнхий газрын дарга Л.Бямбасүрэн

Эрүүл мэндийн даатгалын газрын дарга 65.4  сая төгрөгийн орлоготой. Харин гэр бүлийн гишүүдийн нийт орлого 836 мянга гэж ХОМ-тээ бичжээ. Тэрбээр 964.2 сая төгрөгийн гурван орон сууц, үйлчилгээний зориулалттай дөрвөн үл хөдлөх, нэг авто зогсоолтой.  60 сая төгрөгийн үнэлгээтэй Toyota, Rav 4 машинтай.  11.6 сая төгрөгийн гурван адуу, 20 үхэр, 20 хоньтой юм байна. Мөн 30 сая төгрөгийн үнэлгээтэй  700м2 газар гурвыг эзэмшдэг бол 14 сая төгрөгийн үнэт эдлэл, 9.4 саяын хадгаламжтай.  Эрдэнэс тавантолгой компанид тодорхой хувьцаа эзэмшдэг.


ГЕНЕРАЛ Ж.БОЛД 710 САЯЫН ҮЛ ХӨДЛӨХ, 4100 ХУВЬЦААТАЙ

ЦЕГ-ын дарга,  дотоодын цэргийн командлагч  хошууч генерал Ж. Болд

Дотоодын цэргийн командлагч Ж.Болд 2017, 2018 онд газрын дарга. 2019 онд дэд даргаар ажиллаж байгаад өнгөрсөн жилийн долдугаар сараас ерөнхий газрын даргаар томилогдсон. Түүний хөрөнгийг сонирхвол, нийт орлого нь 54.6 сая, гэр бүлийнх 5.4 сая төгрөг юм байна. Харин 710 сая төгрөгийн үнэлгээтэй хоёр орон сууц, гурван автозогсоолтой. Мөн 26 сая төгрөгийн есөн адуу, 22 үхэртэй. 0.7 га газар эзэмшдэг. 38 сая төгрөгийн хадгаламж, Эрдэнэс таван толгой ХК-ийн 4188 ширхэг хувьцаатай гэж мэдүүлжээ.


ХУРАНДАА Д.ЯДАМДОРЖ ДАРГА 350 АДУУ, 100 ҮХЭРТЭЙ

Шүүхийн шинжилгээний үндэсний хүрээлэнгийн дарга Д.Ядамдорж

473.5 сая төгрөгийн орлоготой. Гэр бүлийнх нь 14 сая. 215 сая төгрөгийн амины орон сууц, үйлчилгээний зориулалттай үл хөдлөх хөрөнгөтэй.  415 сая төгрөгийн 100 үхэр, 350 адуутай. Өмчлөх-0,03 га-1, эзэмших-0,07 га-1 газартай. Таван сая төгрөгийн үнэт эдлэл, 258 сая төгрөгийн хадгаламжтай. Сэртэн-Оргил Уул, Багануур , Девелпмент ресурс компани , Алмаас компани , Таван толгой, Оюут Сэртэн компанид хувьцаа, 552, 86, 50, 2144, 100 ширхэг  хувьцаатай.


СОЁЛ, УРЛАГИЙН ГАЗРЫН ДАРГА ТЭРБУМЫН ҮНЭЛГЭЭТЭЙ ҮЛ ХӨДЛӨХ ХӨРӨНГӨТЭЙ

“Соёл, урлагийн газар”-ын дарга Ц.Нацагдолгор

Өнгөрсөн жилийн наймдугаар сард томилогдсон. Нийт орлого 59.5 сая. Гэр бүлийн гишүүдийн орлого байхгүй. 1.1 тэрбум төгрөгийн үнэлгээтэй хоёр орон сууц, үйлчилгээний зориулалттай үл хөдлөх, авто зогсоолтой.  36 сая төгрөгөөр үнэлсэн жийп болон туулах чадвар өндөр,Lexus, RX 400- 1 автомашинтай. 40 сая төгрөгтэй дүйцэх 20 адуу, 300 хоньтой юм байна. Мөн 140 сая төгрөг хүрэх эзэмшлийн 5 га-, өмчлөх 4 га газартай. 20 сая төгрөгийн үнэт эдлэл, 1.2 сая төгрөгийн үнэт эдлэлтэй.

 

Эх сурвалж: “Зууны мэдээ” сонин

LEAVE A REPLY